02/03/2013 17:41:08

Greqi, mësuesit në protesta antikrize

'Varfëria është dhuna më e madhe e mundshme', shkruhej në një banderolë të vendosur përpara Parlementit grek

ATHINË - Më shumë se një mijë mësues të shkollave të mesme kanë protestuar sot në Athinë kundër shkurtimeve buxhetore në arsim dhe masave të shtrëngimit ekonomik, të vendosura për të katrin vit radhazi nga kreditorët ndërkombëtarë të Greqisë, BE dhe FMN. ''Varfëria është dhuna më e madhe e mundshme'', shkruhej në një banderolë të vendosur përpara Parlementit grek në sheshin Syntagma, arenë e manifestimeve masive të viteve të fundit. ''Dy studentë të vdekur, i keni vrarë'', shkruhej në një banderolë ku aludohej për vdekjen e dy studentëve të enjten në Larissa, si pasojë e rrjedhjes së gazit nga sistemet e ngrohjes në banesat e tyre. Për shkak të rritjes së taksave të naftës, shumë familjeve në Greqi iu është dashur t'u drejtoheshin alternativave me kosto më të lirë për ngrohje.

HermesNews - ©2013

Dërgo me email | Stampo artikullin